(REY PUMALOY)

BIGLANG naguluhan si Solenn Heussaff nang magkaroon siya ng photo op at ang kanyang asawang si Nico Bolzico sa English football Superstar na si David Beckham.

Dumating sa ‘Pinas no’ng mga nakaraang araw si David para sa isang friendly game at para sa promo ng isang insurance company.

Isa sina Solenn at Nico na pinalad na makaharap at makapag-pictorial kay David.

Nakaposte sa Instagram wall ni Solenn ang larawan nilang tatlo at sa caption na sinulat nito sinabi niyang bigla siyang na-confuse sa dalawa kung sino ang kanyang asawa at sino ang superstar athlete.

Malaki kasi ang pagkakahawig nina David at Nico na animo’y kambal. Iisa ang ngiti nila. At halos iisa rin ang tabas ng kanilang mga balbas at bigote. Mas mahaba nga lang ang buhok ni Nico.

Pero syempre, nag-joke lang naman si Solenn dahil syempre, alam naman niya kung sino sa dalawa ang partner niya sa buhay.